بسم الله نبتدى ,,,
طبعا اكترنا بيشتكى من وجود اجزاء غامقه بالمنطقه الحساسه وده نتيجه
التعود على لبس الملابس الداخليه مصنوعه من الياف صناعيه
والرطوبه والعرق والبكتريا الخ الخ
طبعا انا كان عندى جزء غامق من ايام المدرسه لما كنت متعوده البس
شورتات تحت الجيب وكانت مدايقانى اوى والحمد لله افتحت ورجعت للون الطبيعى
جبتلكم خلاصه تجاربى من كل حاجه
جربتها كلنا اتكلمنا عليها للتفتيح اولا :
هنبتدى باأول التجارب :
1)ملح الحليب :
طبعا كلنا عارفينه انا جربته بكل
انواعه والوانه واحجامه بصراحه معملش معايا حاجه نهااااااائى
مافيش غير انه بينعم المنطقه دى بس لكن جربته مع الليفه
والميه السخنه وكل المحاولات مفتحش لاسف
هوه زى مااقولنا حلو للتنعيم بس بس خدو بالكم محدش يستعمل
ملح الحليب " الصينى " اى منتج صينى ابعدو عنه التايلاندى منه اضمن ..
2)تاانى حاجه جربتها
كان كريم كان كل ماافتح جوجل الاقيهم بيتكلمو
عنه اللى هنا واللى هناك كان اسمه براديس BARDIS ,
كريم لازاله الالوان الداكنه
قولت بقى شكله جباااار روحت جبته ب30ج من الديب مول ,
ولااااااااا جاب اى نتيجه والله على مااقوله شهيد ممكن الحجات دى
جابت نتيجه مع غيرى بس مجبش معايا اى شىء
تالت حاجه جربتها كان مرهمين الدكتوره كتبتلى عليهم
يتحطو على بعض قبل ماانام مرهم اسمه
(تريتوسبوت & ليكوسيد- ر 3%) وحياتى عندكم
جربتهم وانتظمت عليهم وخلصتهم وجربت
ده لوحده كمان وده لوحده مجبش اى نتيجه
وطبعا بقى غير الوقت الطوييييييل المنتظر
رابع تجربه كانو مرهمين بردو يتحطو
على بعض بيعملو تقشير للطبقه الاولى من الجلد
بس حسيت انى جلدى بدأ زى المتعور لانها
منطقه حساسه ووجعنى اوى ومبقتش استخدمهم
ومرهمين تانيين كتبتلى عليهم دكتوره صيدلانيه تانيه
مرهم (بيتاديرم &بانثينول )
طبعا الاتنين غنى عن التعريف كلنا بنستخدمهم
وبنتكلم عنهم وبانثينول ده مطهر للجلد
طبعا بردو مجبش اى نتيجه معايا
نقلب التجارب على الزيوت الطبيعيه
اولا طبعا استخدمت النشا واللمون وسيبتهم لما ينشفو معملش حاجه
ثانيا استخدمت السكر وزيت الزيتون نفس الكلام
استخدمت دعك اللمون بعد كل حمام نفس الكلام
استخدمت الكربوناتو مع قماشه قطن بميه دافيه كانت يعنى كويسه
الى حد ما
عملت بقى تركيبه مشهوره اوى وهيه زيت الزيتون على زيت خروع
على زيت سمسم على جلسرين على نقطتين زيت ورد على زيت لوز حلو وزيت لوز مر
همه معقولين تعتبرو مدو الجلد بالغذاء وبقى طرى وناعم بس بردو مفتحتش المنطقه
ده غير بقى طووول الصبببرررر
نااقص حاجه تانى .... اممممم تمام كده
طبعا من زمان والمنطقه دى بحب اهتم بيها دايما من وانا بنوته نضيفه
كنت بستخدم محلول مطهر للمنطقه الحساسه من الصيدليه بيستخدم مرتين بالاسبوع
بس لازم تجبيه نوع مناسب ليكى , لو ماافيش محلول مطهر ممكن نستخدم
ميه دافيه مع ملح خشن كل اسبوع وسمعت ان فى بيعدو فى الميه الدافيه
والمهطر الطبى او العشبى زى ( البابونج او المرماريه )
خمس او عشر دقايق انا بستخدم من وانا بنت غسول "مالفا " ,
ودى صورته
طبعا النضافه الشخصيه دى مهمه اوى علشان البكتريا هيه السبب فى جفاف
واسمرار الجلد وبتسبب فى بعض الاحيان حاله من الهرش المستمر والافرازات الكتيره ,,,,,,,,,,,
وبعد الدوره وبعد كل حمام الاول بغسل المنطقه بالصابون الطبى المطهر مثل صابونه الكبريت وبعدها
بستخدم يااما نشا + ماء الورد
+
يااما بجيب المسك الابيض وده صورته من عند عبد الصمد القرشى ومش هقولك على ريحته تجنننننننن
بجيبه من مول سان استيفانو مش غالى فى حدود 10 ج وفى المسك الاسود وده صورته عنده بردو
وبجيب علبه جونسون فاضيه وبجيب وعاء صغير وبحط فيه المسك الابيض وماء ورد وادوبهم فى بعض
وبعدين احطهم فى علبه الجونسون الفاضيه وبعد الحمام بنشف المنطقه الحساسه كويس
ويستحسن بالمناديل الخاصه للمنطقه الحساسه وبدهن من الخلطه دى
نيجى بقى للتجربه اللى محكتش عنها اللى جربتها
قبل دول كلهم وعملت مفعول جامد
واللى فرحنى انى بعد اربع سنين نصحتنى بيها
صحبتى المغربيه لانها بتقولى عندهم بالمغرب سبب انهم مش بيشتكو باى منطقه غامقه
بالرغم بيلبسو لبس تقيل وواسع وكتير السر فى الحمامات المغربيه عندهم
كل اسبوع الست او البنت بتروح الحمام المغربى
عملت ايه .. كنت اشتريت طقم الحمام المغربى
دى العلبه اللى جيبتها من عند ماضى العطار وده الصابون المغربى اصاله
من العطار الحاج مااضى فى اسكندريه عندنا قولت اوفر الحمام المغربى بمركز التجميل
والليفه المغربيه ودى صورتها
كلنا عارفنها وصاابون مغربى كان فى علبه كده ولونه زى الطينه وغامق وطرى اوى ودى صورته
وكريم ترطيب لبعد الحمام وأعشاب تانيه بتتغلى
وتتعمل مساج كانو فى حدود 30 ج تمام
جربت الحمام ده مرتين وبعدها كسلت
قومت ااخدت الصابون المغربى اللى معاه كان فاضل نص العلبه والليفه
ودخلت الحمام اخدت الحمام بتاعى وكان الحمام مليان بخار والميه كانت سخنه جدا ومسكت الليفه
وحطيت من الصابون وفضلت ادعك
وتوكلت على ربنا
وتقلص المنطقه اللى كانت غامقه ورجعت نفس لون بشرتى زى ماكانت
دى كانت التجربه الوحيده اللى جابت معايا
نتيجه يعنى ممكن فى ظرف اقل من شهر تتخلصى
من المنطقه الغامقه من غير بقى مراهم وزيت كذا
على كذا ولفت الايام وصااحبتى المغربيه اللى بتشتغل فى الكوافير قالتلى
عليها ولازم تواظبى على الحمام المغربى كل فتره ,,,
ونقطه مهمه كمان للنضافه من ضمن تجاربى كنت بعد مابخلص حمامى بدهن المنطقه الحساسه
باى زيت من دول ومتوافرين عند العطار
( زيت الورد _ زيت المشمش _ زيت الموز _ زيت الياسمين )
وفى منهم انواع تانيه كتير الازازه ب 2 ج
ودى صوره زيت المشمش
وممكن تخفيفها بالميه العاديه وتحطيها بالحمام بعد ماتعملى الحمام طول اليوم
تنشفى طبعا المنطقه الحساسه بفوطه قطن نضيفه او المناديل المخصصه وتدهنى من الزيت المخفف
ومش هقولك على الريحه الجميله
اللى هتفضل ثابته فيكى طوووول الوقت كانك مشمشايه ماشيه بالبيت او موزايه او وردايه
وطبعا مننساش النصايح المهمه
انك تحافظى على نضافه المنطقه الحساسه حتى لو كنتى لسه بنت
مع تغيير الاندر كل يوم ويكون قطن ولو انتى متزوجه ممكن تلبسى
الاندر النايلون او الدانتيل بالليل
ونستخدم ملابس داخليه قطنيات , مهم اوى تكون قطنيات علشان البكتريا والافرازات
وبتتغير الملابس الداخليه مرتين فى اليوم
ولازم الاندرات تتغسل لوحدها مش بالغساله لان عارفه بنات كتير بيحطوها
بالغساله اوووووووعى تتغسل لوحدها وتجيبى مطهر تغسليها بيه وبلاش الاريال
هنيجى لطرق ازاله الشعر اللى بستخدمها
اولاااااااا واهم نقطه ابعدى عن استخدام الموس نهاااااااااااائى
مش عاوزه اسمع كلمه ده موس جيليت للنساء
هقولك فى الاول والاااخر اسمو موووووووس
امال الشركات دى هتكسب ازاى ,,,,,,,,,
معلش اتعبى شويه بس هتلاحظى فرق رهيب
استخدمى السويت او ماكنه البروان
والافضل السويت اللى كلنا بنستعملها
ودى شكلها
وبعد مابخلص السويت بدهن المكان ماعدا المنطقه الحساسه وتحت الابط
بدهن بكريم نبات السعد وتعالى نشوف الطريقه بتاعته وده بيخفف نسبه ظهور الشعر
بنسبه كبيره جداا وبيخلى الشعره تطلع خفيفه ومفهوش اى ضرر وبستخدمو من زمان
اولا هتروحى للعطار وتطلبى منه ب 3 ج نبات سعد وتخليه يطحنه
ده شكلو وهوه لسه نبات هوه بيطحن وبيبقى شبه بودره الحنه كده وهوه مطحون
لو اشترتيه من غير مايطحن حاولى انتى تطحنيه باى وعاء عندك قديم
وبعدين هتاخدى منه تلات معالق كبار وهتيجى لوعاء فاضى قديم وياريت تكونى بالنهار
علشان الريحه والبخار اللى هيطلع وهتملى اد نص لتر ميه وعليهم التلات معالق نبات السعد
وتسبيه على النار لا عاليه ولا واطيه لحد ماتلاحظى تبخر الميه ويبقى فاضل زى العجينه
يدوب فيهم شويه ميه صغيره
هتاخدى اللى اتبقى وهتجيبى علبه كريم متوسطه للبشره اى نوع
وهتخلطى اللى اتبقى من نبات السعد بالكريم وتحطيه بالتلاجه بنفس علبه الكريم
وكل ماتعملى جسمك بالسويت تدهنى منه او ممكن كل يوم تدهنى منه
طبعا المنطقه الحساسه وتحت الابط مع النضافه المستمره واستخدام السويت
الشعر بيخف لوحده وبيظهر كل فتره كبييييييره جدا المهم انك بعد ماتشيلى الشعر بالمنطقه الحساسه
متغسليش المنطقه دى بالميه عالطول لانها هتسبب سواد هاتى نص لمونه وافركى بيها
مكان ماأزلتى الشعر اولا اللمون تطهير ثانيا بيخفف ويأخر نمو الشعره
وبعدها بستخدم ميه دافيه بملح خشن للتشطيف وبدهن المسك الابيض بماء الورد
لا تنسوا كاتبة الموضوع الاصلية من الدعاء بالفرج وتيسير الحال والهداية
